2 من سلسله مشاكل واقعيه فى حياتنا

من طرف تامر الكردى السبت يونيو 18, 2011 1:22 am

نا عندي مشكلة كبيرة.. أنا بحب واحدة أكبر مني بـ7 سنين، وهي
متزوجة ولها 4 أطفال، وبدأت بينّا قصة حب.. في الأول كان إعجاب وبعدين
العلاقة تطورت بسرعة غريبة؛ لدرجة إني عرضت عليها الزواج.. هي في الأول
رفضت بسبب الأولاد وفرق السن والتعليم؛ لأني حاصل على مؤهل عالي، وباعمل
كمدير بإحدى الشركات بدول الخليج..

المهم بعد كده أنا خيّرتها بيني وبين حياتها الزوجية.. في الأول
بعِدنا عن بعض لفترة طويلة، بعد كده رجعت وقالت إنها فكرت كويس وموافقة
على الجواز، بس شوف أهلك الأول، وأنا طبعا متأكد إن أهلي هيرفضوا الموضوع،
وممكن يكون فيه زعل كبير، وأنا مش عايز أخسر أهلي ولا الإنسانة اللي
حبيتها، وخايف كمان من كلام الناس اللي مش هينتهي.

بس أنا والله بحبها بغضّ النظر عن فرق التعليم والسن؛ لأني وجدت
فيها إنسانة طيبة بتحبني لنفسي، حتى هي قالت سواء اتجوزنا أو لأ مش هانساك
أبدًا، وأنا في حيرة من أمري، والله في حيرة كبيرة..

يا ترى فيه حل لمشكلتي؟ وماحدش يقول أنسى أو أبعد أو شوف واحدة
مناسبة.. أنا شفت بنات كتير ماحدش لفت انتباهي أبدًا، وأنا الحمد الله
باصلّي وعارف ربنا، بس فعلاً الموضوع مش في إيدي؛ لأن القلوب في إيد ربنا..
والسلام عليكم.